السلام عليكم ورحمة الله وبركاته
بِسْمِ اللهِ مَا شَآءَ اللهُ لَا
يَــسُوْقُ الْخَيْرَ إِلَّا اللهُ
بِسْمِ اللهِ مَا شَآءَ اللهُ لَا
يَصْرِفُ السُّوءَ إِلَّا اللهُ
بِسْمِ اللهِ مَا شَآءَ اللهُ مَا
كَانَ مِنْ نِعْمَةٍ فَمِنَ الله
بِسْمِ
اللهِ مَا شَآءَ اللهُ لَاحَـــوْلَ وَلَاقُــوَّةَ اِلَّابِاللهِ
حَامِدًا
لِلّٰهِ تَبَارَكَ وَتَعَالٰى
وَمُصَلِّيًا وَمُسَلِّمًا عَلٰى رَسُوْلِ اللهِ سَيِّدِنَا مُحَمَّدِ
ابْنِ عَبْدِ اللهِ وَعَلٰى اٰلِهِ وَصَحْبِهٖ وَمَنْ وَلَاهُ : أَمَّابَعْدُ
Hadratul Muhtaromiin para Alim para Ulama para Masyayikh para Habaib
para Kiyae khusus epon dhe’ ka Al-Mukarrom saleranah se muljeh engghi kak
dintoh KH. Abuya Ahmad Fadlan Masykuri Minangka Pengasuh Pondok
Pesantren Darurrahman Pangarangan Sumenep, tor jugen dek ka Al Mukarrom
saleranah se muljeh enggi kak dintoh KH. Ahmad Nur Ridla minangka Naib
Pengasuh Pondok Pesantren Darurrahman Pangarangan Sumenep Se beden kauleh
tha’ati lebih-lebih se beden kauleh ta’dhimi.
Tor tak loppah jugen dek ka sadejeh
para Anom para seppoh para Ustadz tor jugen Ustadzah khusus epon dek ka se
muljeh engghi kak dintoh Bapak Mahfud Shidik S.Pd Sd. Minangka kepala
desa Kolo-kolo se beden kauleh amulje’eghi.
Tor tak loppah jugen dek ka sadejeh
para tamu undangan lakek otabeh epon binik khusus epon dek ka sadejeh Wali
Santri se hadir otabeh epon se berhalangan edhelem ka sempaten areh mangken kak
dintoh se beden kauleh hormatih.
Tor dek ka sadejeh para santreh otabeh
epon Alumni se same-same nyopreh elmonah Allah edelem settong ponduk, settong
guru se beden kauleh cinta tor kasih sayangi
Sobung syi’iran se langkong endhe dek ka beden kauleh sareng panjennengan sadejeh
ka anggui ka syi’ir, ka jhebenah nyi’iraghi rasa tasakkorra abhe’ dek ka Gusteh
Allah SWT. Sek kak dimmah kalabhen bedenah Hidayah epon Allah se aropa’aghi
nikmat sehat tor sempat, se saengghenah beden kauleh sareng panjennengan
sadejeh bisa apol kompol bisa aghi panggi tor bisa alaksana’aghi acara e dhelem
ka sempadhen areh mangken kak dintoh, kalaben ka bedhe’en sehat wal ‘afiyah
Dzohiron wa Batinan Faa Insyaa Allah.
Sa terros epon, ro’ommah Sholawat se
aghembeng malateh, salam se ka totop rapet kalaben deun tales, samogeh tor
samogeh tep tebbeh tak beng tobengah eatoraghiyeh dek ka Nabi nah kauleh sareng
panjennengan sadejeh engghi kak dintoh
Nabi Akhirus Zaman Nabi Pongkasannah para Nabi, Nabi se ampon nancepbeghi
Pandire ka jhejhe’en Islam, enggi kak dintoh Nabi Muhammad SAW. Se kak dimmah
kalaben bhebber epon Nabi Muhammad, beden kauleh sareng panjennengan sadejeh
bisa ka angkes deri jelen se biluk akadhiyeh jelen dhisa nojjhu dhek ka
jhelen se loros akadhiyeh jhelen kotta,
enggi kak dintoh kalaben bedenah Addinul Islam wal Iman
Para rabhu se alongghuh jimet
parjhugeh se beden kauleh hormatih, mator lancang beden se cangkolang, beden
kauleh ko malancang, tor mator e panggeliyennah ajhunan sadhejeh, tadek laen
engghi kak dintoh bedhi notoraghiyeh pan saponapan rentetan-rentetan tareka se
bedhi kalampa e dhelem ka sempadhen areh mangken kak dintoh.
1. Pembukaan
2. Pamaosan Ayat Suci Al-Qur’an
( Anasul Khair )
3. Sholawatun Nabi ( esosol
kalabhen Qiyam, Hadrah Banjari Darurrahman )
4. Sambutan-sambutan :
1. Ketua Panitia (Ahmad Fadlan
Masykuri )
2. Ketua Takmir Masjid Baitur
Rahman ( Ust Sahaman )
5. Istirahat ( Hadrah Banjari
Darurrahman )
6. Dedhebun Aghema (KH. Abuya
Ahmad Fadlan Masykuri
7. Pamaosan Do’a (KH. Abuya
Ahmad Fadlan Masykuri)
8. Penutup ( MC )
Para rabhu se alongghu jimet parjugeh
se beden kauleh hormatih, ngireng areng sareng
bukkak acara edhelem ka sempaten areh mangken kak dintoh, kalaben
pamaosan Suratul Fatehah, se kak dimmah
kalaben maksod tor tojjuwen epon samogeh tor samogeh acara edhelem ka
sempaten areh mangken kak dintoh kalampah kalaben saeh.
عَلَى هَذِهِ النِّيَةِ وَبَكُلِّ نِيَّةٍ صَالِحَةٍ وَإِلَى حَضْرَةِ
النَّبِيِّ الْمُصْطَفَى مُحَمَّدٍ صَلَى الله عَلَيْهِ وَسَلَّمَ بِسِرِّ
الْفَاتِحَةِ ...
Ø (1) Mator sakalangkong
Ø (2) Mator Sakalangkong, sobung kata se lebbih
sampornah ka tembeng Al-Qur’an, sobung kalam se lebbih moljeh ka tembeng
Al-Qur’an, samogeh tor samogeh se maos sareng se merengagih kengengah pahala deri Allah SWT... Aamiin yaa Robbal
‘Alamiiin...
Ø (3) mator sakalangkong, samogeh tor samogeh se
maos sareng se merengagih kengengah
Syafaat deri baginda Nabi Muhammad SAW. Aamiin Yaa Robbal ‘Alamiin...
Ø (4) Mator Sakalangkong
Ø (5) Mator Sakalangkong
Ø ( 6&7 ) Mator Sakalangkong
Sa kak dintoh tarekah se ampon kalampah edhelem ka
sempaten areh mangken ka dintoh, beden kauleh minangkah tarekah edhelem ka
sempaten areh mangken, beden kauleh minangka tarekah edhelem ka sempaten areh
mangken kak dintoh nyo’on sapora se sobung
betes epon, manabi bedeh ke khilafan otabeh ka cangkolangan saeh deri
tengkah gulih otabeh totor oca’ beden kauleh
se korang sonduk mongguh panggileyen para ajhunan sadejeh, beden kauleh
nyo’on sapora se sobung betes epon.
وَللهُ المُوَافِقُ إِلَى أَقْوَامِ الطَّرِيْقِ ثُمَّ السَّلَامُ عَلَيْكُمْ وَرَحْمَةُ اللهِ وَبَرَكَاتُهُ
Posting Komentar